Il-Grupp Corinthia fetaħ fil-qalba tal-Ewropa l-Grand Hotel Astoria, bini storiku fi Brussell wara ristrutturar estensiv ta’ €150 miljun u restawr ta’ din il-lukanda emblematika.
Il-Corinthia Brussels tinsab f’Rue Royale u tiftaħ illum hekk kif il-grupp Malti jkompli bl-espansjoni globali tiegħu. Preċedentement magħrufa bħala l-Grand Hotel Astoria, dan il-bini storiku għadda minn trasformazzjoni kompleta u issa jinkludi 126 kamra u suites kif ukoll spa taħt l-art.
Il-lukanda ngħalqet fl-2007 u aktar tard inxtrat mill-Corinthia, li ħadet ħsieb il-finanzjament u r-restawr tagħha. Wara erba’ snin ta’ restawr metikoluż, issa saret simbolu ta’ gastronomija, rilassament urban u ħajja ta’ kwalità fil-Belġjum.
Din hija t-tieni lukanda ġdida minn Corinthia fi ftit xhur wara l-ftuħ ta’ lukanda oħra fi New York, fl-Upper East Side ta’ Manhattan.
