West Ham United 2 Wolves 1
Bil-ħames rebħa fil-Kampjonat, West Ham telgħu fl-14-ilpost bi 18-il punt filwaqt li Wolves bl-10 telfa tal-istaġun baqgħu fid-19-il post b’9 punti daqs Ipswich.
Riżultat fi tmiem l-ewwel taqsima ta’ 0 – 0. Fl-54 minuta West Ham fetħu l-iskor permezz ta’ TOMAS SOUCEK li minn cross ta’ Jarrod Bowen għeleb bir-ras lil Sam Johnstone. Sitt minuti wara gowl ta’ Mahammed Kudus ma kienx ikkonvalidat bil-VAR minħabba offside . Fid-69 minuta Wolves kisbu l-gowl tad-draw. Minn azzjoni ta’ Rayan Ait Nouri kien MATT DOHERTY li għeleb lil Lukasz Fabianski.
Reazzjoni immedjata minn West Ham li fit-72 minuta mill-ġdid marru fil-vantaġġ. Pass ta’ Mohammed Kudus lejn JARROD BOWEN li għeleb lil Sam Johnstone għal dak li kellu jkun il-gowl deciżiv.
