Fid-Dar Centrali tal-PN, dalghodu saret quddiesa li permezz tagħha tfakkret il-memorja ta’ Karl Gouder… f’għeluq it-tliet xhur mill-mewt tiegħu.
Il-quddiesa tmexxiet minn Fr Mark Enriquez, li fakkar fl-attributi sbieħ li kellu Karl Gouder mhux biss bħala persuna iżda bħala l-bniedem li kien imexxi Net Media.
Preżenti għal din iċ-ċelebrazzjoni kien hemm il-Kap tal-PN Bernard Grech.
Kien hemm ukoll preżenti l-management tal-istazzjon, ħaddiema, edituri, kontributuri u anke volontieri li f’dawn l-aħħar snin ħadmu taħt it-tmexxija ta’ Karl Gouder.
