Ingliż ta’ 54 sena u residenti l-Mellieħa jinsab fil-periklu tal-mewt wara li tilef il-kontroll u ħabat fi skip li kien wieqaf f’Dawret San Pawl, San Pawl il-Baħar. L-inċident seħħ għall-ħabta tal-5pm.
Mill-ewwel stħarriġ irriżulta li r-raġel kien qiegħed isuq mutur tal-għamla Honda.
Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ serjament.
Il-Maġistrat Ian Farrugia ġie infurmat bil-każ u ħatar inkjesta. L-investigazzjonijiet tal-Pulizija għadhom għaddejjin.
