Neil Camenzuli
ĦAMRUN SPARTANS…………………………2
SLIEMA WANDERERS ………………………0
Ħamrun S.: H.Bonello, S.Borg, D.Letherby, L.Montebello, L.Barboza (M.Ellul 90′), J.Mbong, E.Freitas, M,Barbosa, E.Marcelina (K.Scicluna 83′), R.Camenzuli (J.Corbolan 90′), R.Lopes
Sliema W.: K.Agu, J.Borg, A.Magri Overend (N.Frendo 85′), V.Plut, M.Beerman (B.De Oliviera 74′), G.Alcino, W.Matos (M.Awad 61’), H.Freire, G.Acheampong, S.Zibo, S.Pisani (N.Strickland 85′)
Imwissija: J.Mbong 25’, E.Freitas 76′ (Ħ) M.Freire 57’ 77’ (S)
Tkeċċa: M.Freire 79′ (S)
Skorjaw: Raphael Lopes 63’, L.Montebello 81′ (Ħ)
Referee: Matthew De Gabriele
Assistenti Referees: Luke Portelli u Vasil Vasilev
In-Nazzjon Plejer tal-logħba: Emerson Marcelina (Ħamrun Spartans)
BOV Plejer tal-Logħba: Raphael Silva Lopes (Ħamrun Spartans)
Il-finali tal-BOV Super Cup bejn iċ-champions ta’ Malta Ħamrun Spartans u r-rebbieħa tal-Izibet FA Trophy Sliema Wanderers temmet 1-0 għal Ħamrun, biex b’hekk l-Ispartans ħadu s-seba’ Super Cup fl-istorja u t-tieni Super Cup konsekuttiva.
L-ewwel azzjoni tal-partita waslet għal Sliema Wanderers minn freekick mil-lemin ta’ Pisani li rriżulta f’save tajjeb tal-goalkeeper Bonello wara 8 minuti logħob.
Sliema jerġgħu perikolużi għaxar minuti wara meta l-istess Steve Pisani jkun fiċ-ċentru tal-attakk hekk kif b’ġirja tajba jidħol fil-kaxxa u jirċievi l-ballun mil-lemin, però l-konklużjoni finali tkun għolja wisq.
Ħamrun jirrispondu żewġ minuti wara permezz ta’ Luke Montebello però anke x-xutt tiegħu jgħaddi għoli ħafna.
Il-Wanderers jibqgħu jattakkaw bis-saħħa fl-24 minuta hekk kif Magri Overend jara x-xutt baxx tiegħu salvat minn Bonello, b’Marcelina jeħles mill-periklu tajjeb.
Preċiżament fin-nofsiegħa logħob, Ryan Camenzuli jittanta xortih minn barra l-kaxxa, madankollu l-goalkeeper Agu jirnexxielu jsalva l-ballun tajjeb.
Fil-35 minuta l-iktar azzjoni perikoluża tal-ewwel taqsima tasal għall-Wanderers, kontrattakk veloċi mibdi minn pass ta’ Pisani lejn Plut li jikkontralla tajjeb u jżomm il-ballun biex eventwalment jistenna l-ġirja ta’ Magri Overend mil-lemin, bid-difensur laterali jerġa’ jittanta xortih b’xutt fil-baxx, madankollu Bonello jsalva għal darb’oħra.
Ħamrun kellhom l-aħħar ċans tal-ewwel taqsima permezz ta’ xutt ta’ Raphael Lopes li kien salvat faċilment minn Agu, bl-iskor għall-ewwel taqsima jkun 0-0.
Ħamrun ħarġu fuq l-offensiva fit-tieni taqsima tant kemm hu hekk li wara 54 minuta Raphael Lopes jiżmarka ruħu b’ġirja tajba u jirċievi minn Mbong mil-lemin, b’Lopes jikkonkludi fil-baxx u Agu jirrispondi tajjeb.
Wara l-ewwel kwarta logħob pożittivi għall-Ispartans, fit-63 minuta fl-aħħar marru fil-vantaġġ b’gowl mill-isbaħ tal-attakkant Raphael Lopes li qabeż tajjeb lil Borg mil-lemin u kkonkluda fir-rokna ta’ fuq b’Agu ma jkollu l-ebda ċans li jintervjeni.
Sliema rrispondew fis-67 minuta meta s-sostitut Awad joħloq azzjoni tajba fuq ix-xellug bil-ballun eventwalment jasal għand Overened li jixħet kross lura lejn Awad b’dan tal-aħħar jixxutja xutt mill-isbaħ, però l-ballun jgħaddi verament ftit barra.
Freekick tajjeb mil-lemin mid-difensur laterali Camenzuli li pprova jsib ir-rokna opposta b’Agu jsalva tajjeb ħafna.
Ħamrun Spartans irdoppjaw l-iskor fit-82 minuta permezz ta’ Luke Montebello li xeħet mill-viċin minn kross tajjeb ta’ Raphael Lopes mil-lemin, gowl li kkonferma għal kollox it-Tazza għal Ħamrun Spartans.
Beerman bil-pussess tal-ballun ippressat minn Barboza u Mbong ta’ Ħamrun (Ritratt: Joseph Galea)
Luke Montebello ta’ Ħamrun jaffronta lil Jean Borg ta’ Sliema (Ritratt: Joseph Galea)
Is-save ta’ Bonello fuq il-freekick ta’ Pisani wara 8 minuti logħob (Ritratt: Joseph Galea)
Raphael Silva Lopes skorja l-ewwel gowl u pprovda l-assist tat-tieni gowl (Ritratt: Joseph Galea)
