Tilef ħajtu l-Ingliż ta’ 54 sena li tlett ijiem ilu kien tilef il-kontroll u ħabat fi skip li kien wieqaf f’Dawret San Pawl. Ir-raġel kien qiegħed isuq mutur tal-għamla Honda.
Dan l-inċident kien qajjem kontroversja minħabba l-fatt li x-xogħol fiz-zona kien qiegħed isir bla permess. Dan iddikjarawh kemm Infrastructure Malta kif ukoll Transport Malta.
Infrastructure Malta kienet qalet li ma ġietx notifikata li kienu se jsiru dawn ix-xogħlijiet, u li għaldaqstant għalihom ma ntalabx permess.
Bl-istess mod, lanqas Transport Malta ma kienet infurmata bix-xogħlijiet u l-kuntrattur ma kellux permess validu biex jagħmel ix-xogħlijiet fis-sit fejn seħħ l-inċident.
Il-Maġistrat Ian Farrugia qed imexxi inkjesta. L-investigazzjonijiet tal-Pulizija għadhom għaddejjin.
