MALTA………….. 13
SLOVENJA…….. 10
(4-4), (2-3), (5-1), (2-2)
Permezz ta’ rebħa fl-aħħar logħba, it-tim nazzjonali Malti rebaħ it-tieni edizzjoni ta’ SportMalta Christmas Cup. Kollox ma’ kollox, rebħa meritata għat-tim Malti li wera s-superjorità fl-aktar fażijiet kruċjali tal-konfront.
Dawn il-logħbiet servew ta’ preparazzjoni għall-impenji li t-tim nazzjonali Malti għandu bejn it-18 u l-21 ta’ Diċembru kontra Singapore u l-Ġermanja, logħbiet minn Grupp Ċ tat-Tieni Diviżjoni tat-Tazza tad-Dinja tal-World Aquatics.
Doppjetta ta’ Stevie Camilleri u backhand ta’ Zach Mizzi taw vantaġġ ta’ 3-1 lit-tim Malti fil-bidu tal-logħba. Reazzjoni mis-Sloveni li rkupraw l-iżvantaġġ u temmew l-ewwel sessjoni 4-4. Camilleri reġa’ spikka fit-tieni sessjoni u minbarra li reġa’ ta l-vantaġġ, wieġeb immedjatament wara li s-Sloveni kienu ħadu l-vantaġġ għall-ewwel darba. Dan sakemm Juris Seljak ħalla lis-Slovenja gowl vantaġġ.
Il-mument importanti tal-logħba seħħ fit-tielet sessjoni. It-tim Malti fetaħ bl-aħjar mod u mhux biss irkupra l-iżvantaġġ iżda mar 9-7 minn fuq b’gowls ta’ Nikolai Zammit, Matthias Azzopardi u Jerome Zerafa Gregory. Enej Potocnik naqqas id-distakk iżda t-tim ta’ Milan Cirovic temm is-sessjoni 11-8. Fl-aħħar sessjoni, it-tim Malti kkontrolla l-vantaġġ sat-tmiem bil-gowl ta’ Zach Mizzi għalaq definittivament il-logħba u l-isperanzi żgħar ta’ rimonta tal-avversarji.
Fi tmiem il-logħba saret il-preżentazzjoni miċ-chairman ta’ SportMalta Matthew Pisani u l-President tal-ASA Karl Izzo lill-captain tat-tim nazzjonali Malti Stevie Camilleri.
Malta: B. Busuttil, Z. Mizzi (2), L. Galea (2), R. Caruana, S. Gialanze, B. Cachia, S. Camilleri (4), J. Bonavia (1), J. Abela, N. Zammit (2), D. Zammit, M. Azzopardi (1), M. Bonello DuPuis, J. Zerafa Gregory (1)
Slovenja: J. Beton, V. Stefanovic (1), M. Santak (2), E. Potocnik (2), L. Gligorovski, J. Seljak (1), N. Stromajer, A. Paunovio (2), J. Voncina, N. Miletic, A. Troppan (1), M. Bernard (1), B. Udovic, B. Stromajer
Referees: Massimo Angileri, Stefan Licari
Riżultati kollha
Il-Ġimgħa
Slovakkja v Slovenja 19-18
Malta v Portugall 13-13
(4-5 wara l-għoti tal-penalties)
Is-Sibt
Portugall v Slovakkja 14-10
Slovenja v Portugall 18-14
Malta v Slovakkja 19-14
Illum
Malta vs Slovenja 13-10
Klassifika Finali
| L | R | D | T | F | K | Pti | |
| Malta | 3 | 2 | 1 | 0 | 45 | 37 | 8 |
| Portugall | 3 | 1 | 1 | 1 | 41 | 41 | 5 |
| Slovakkja | 3 | 1 | 0 | 2 | 43 | 51 | 3 |
| Slovenja | 3 | 1 | 0 | 2 | 46 | 46 | 3 |
