Qraba u ħbieb ta’ Chris Bonello ta’ 29 sena qed jappellaw għad-donazzjonijiet tad-demm b’mod urġenti hekk kif qiegħed jissielet għal ħajtu fl-Isptar Mater Dei.
Chris Bonello safa mtajjar minn vettura waqt li kien qed ibiddel puncture tar-rota tal-vettura tiegħu, Ford Fiesta, waqt li kien f’Dawret il-Gudja l-Ġimgħa għall-ħabta tat-7:45pm.
Huwa safa mtajjar minn vettura Skoda Fabia meta Bonello kien off-duty.
Bonello għadu qed jgħaddi minn għadd ta’ operazzjonijiet serji minn timijiet mediċi ta’ Mater Dei, bil-kundizzjoni tiegħu għadha serja iżda stabbli.
Numru ta’ operazzjonijiet kapaċi jitħassru hekk kif hemm nuqqas kbir ta’ donazzjonijiet tad-demm, b’mod speċjali O positive u A positive u b’hekk wieħed qed ikun imħeġġeġ biex iżur il-Bank tad-Demm fi Gwardamangia sabiex jagħti d-donazzjoni tiegħu u jieħu miegħu l-ID Card jew passaport.
