Fl-unika logħba mill-Enemed Futsal League li ntlagħbet matul din il-ġimgħa, Swieqi United Futsal LEC 07 kisbu rebħa importanti ta’ 9-1 kontra s-selezzjoni Maltija ta’ taħt id-19-il sena. Kienet logħba li t-tim minn Swieqi amministra tajjeb fejn skorja l-gowls l-aktar importanti li tellgħuhom aktar ‘il fuq fil-klassifika.
Il-plejer Brażiljan Guillherme Fonseca de Deus kien awtur ta’ tripletta filwaqt li Marcelo Alarcon skorja doppjetta. Luke Musu, Gregory Busuttil, Karl Luke Schembri u Rodrigo Rocha komplew jiskorjaw aktar gowls għat-tim tagħhom.
Iż-żgħażagħ Maltin skorjaw l-uniku gowl permezz ta’ Zachary Abo Assaf.
Referees kienu Clinton Cassar u Antonio Cassar.
KLASSIFIKA – ENEMED FUTSAL LEAGUE
Luxol St Andrew’s 18; Ta’ Xbiex 15; Marsaskala Legends, Swieqi United 13; University of Malta 12; Ħamrun SC NCMB 9; Selezzjoni Maltija U19 6; Gżr Birżebbuġa St Peter’s Futsal 3; Selezzjoni Maltija U17 0.
