Il-kumpanija Teatru Rjal għadha kif ħarġet il-video uffiċjali tal-Pantomima Maltija ta’ din is-sena ‘Is-Sleeping Beauty’, li hija mera ta’ dak li wieħed jistenna minn dan l-ispettaklu.
Novita oħra ġdida din is-sena hija kif tispiċċa s-serata tal Pantomima tal-31 ta’ Diċembru, il-mistednin se jkunu qed igawdu minn programm eċċezzjonali li jibda minn qabel il-pantomima u jitkompla sas-1am. Wieħed jista’ jattendi separatament jew is-serata tal-Panto biss jew l-afterparty biss, jew it-tnejn flimkien.
Aqta’ l-biljetti llum għal lejl mimli divertiment, ikel u xorb tax-Xara Catering. Se jkun hemm attività qabel il-Pantomima (17:30 sa 18:30); buffet għat-tfal; Prosecco u canapés għall-adulti; il-patomima ‘Is-Sleeping Beauty’ (7pm – 10.15pm); u ċelebrazzjoni għas-sena l-ġdida (10:15pm sa 1:00am)
Biex tara l-video tal-Patomima agħfas din il-link
Għat-tfal se jkun hemm mini hot dog, pizza, doughnuts u free-flowing soft drinks, juice u ilma. Għall-adulti se jkunu offruti selezzjoni kbira ta’ cold, hot u dessert canapés u open bar.
Agħfas fuq is-sit għal aktar informazzjoni u ixtri l-biljetti minn hawn ktrmalta.com
Il-pass li jmiss
Wara 22 sena ta’ suċċessi mill-ewwel rappreżentazzjoni tal-Pantomima tal-Milied bil-Malti fl-Istitut Kattoliku f’Diċembru tas-sena 2000, il-kumpanija Teatru Rjal ħasset li kellha tagħmel il-pass li jmiss… li għall-ewwel darba l-Pantomima toħroġ mit teatru tal-Istitut Kattoliku u se tkun qed issir fit-teatru prestiġjuż ta’ Dar il-Mediterran, fil-Belt Valletta, li wkoll, dan it-Teatru maestuz se jkun qed jospita fih għall-ewwel darba spettaklu teatrali fil-ġeneru tal-Pantomima tal-Milied.
Ir-rappreżentazzjonijiet tal-Pantomima bil-Malti Sleeping Beauty d’Dar il-Mediterran se jkunu qed jittellgħu nhar il-Ħamis 26 ta’ Diċembru fis-2.30pm u 7.30pm; il-Ġimgħa 27 ta’ Diċembru fis-7.30pm; il-Ħadd 29 fl-4.pm; it-Tnejn 30 fis-7.30pm; it-Tlieta 31 ta’ Diċembru 2024 fis-7pm u jsegwi l-afterparty.
Il-parti prinċipali, dik tad-dama, għas-seba’ sena se tkun f’idejn l-attur bravu Rodney Gauci, isem li llum stabbilixxa ruħu ferm mal-udjenza tat-teatru, partikolarment dawk tal-pantomima tal-kumpanija Teatru Rjal.
Flimkien ma’ Rodney, jieħdu sehem ukoll kantanti u atturi magħrufa bħal Clara Sciberras, Gorg Micallef, Brian Farrugia, Mariah, Lee-N, Petra, Rebecca Bilocca, Leah Mifsud, Jacob Piccinino, Matteo Camilleri Testa, Joseph Fenech, Luca Borg Pardo, Moses Galea u Beppe Calleja Tonna b’direzzjoni ta’ Bryan Muscat.
Il-Kinetic Dance Academy għall-10 sena konsekuttiva se jerġgħu jkunu protagonisti f’din il-Pantomima. Il-mużika live ser terġa’ tkun taħt id-direzzjoni tas-surmast Conrad Briffa kif ukoll il-kostumi ġodda jerġgħu jiġu f’dati f’idejn Loui Noir.
Importanti wkoll fi produzzjonijiet ta’ dan il-livell, huwa t-tim tal-makeup immexxi minn Verena Portelli u t-tim tagħha u dak tal-istage u props immexxija min Joe Callus u t-tim tiegħu kif ukoll numru kbir ta’ persuni oħra li għalkemm ma jidhrux – mingħajrhom ma jsir xejn.
Il-kumpanija Teatru Rjal qed tħabbar ukoll li din l-istess pantomima, bl-istess xenarju, l-istess atturi u l-istess kostumi, se tkun qed tittella’ wkoll f’dati differenti fit-teatru rinnovat tal-ORATORJU DON BOSCO, fir-Rabat Għawdex, nhar is-Sibt 4 ta’ Jannar 2025 fis-7.30pm u l-Ħadd 5 ta’ Jannar 2025 fil-5.30pm.
Il-booking għal dawn ir-rappreżentazzjonijiet kollha huwa miftuħ mill-website ktrmalta.com jew permezz tal-mobile 99476468.
