Fil-Milied u fl-Ewwel tas-Sena, il-Gozo Channel ser tkun qed tissospendi s-servizz tagħha bejn nofsinhar u t-tlieta ta’ waranofsinhar. Is-servizz ser ikun sospiż sabiex l-impjegati tal-kumpanija li jkunu xogħol f’dawn il-ġranet, ikunu jistgħu jieklu mal-familji tagħhom.
Fil-jumejn imsemmija, il-vjaġġi ta’ 12:00, 12:30, 12:45, 13:00, 13:30, 14:00, 14:15 u 14:30 mill-Imġarr għaċ-Ċirkewwa u l-vjaġġi tal-12:15, 12:45, 13:15, 13:30, 13:45, 14:15, 14:45 u 15:00 miċ-Ċirkewwa mhux ser isiru. Dan ifisser li l-aħħar vjaġġ mill-Imġarr ikun fil-11:30 am, filwaqt li l-aħħar vjaġġ miċ-Ċirkewwa huwa skedat għal nofsinhar.
Waranofsinhar, is-servizz jerġa’ jibda fit-15:00 mill-Imġarr għaċ-Ċirkewwa, filwaqt li l-ewwel vjaġġ miċ-Ċirkewwa għall-Imġarr ikun fit-15:15.
