Mara ta’ 66 sena mix-Xgħajra ġarrbet il-ġrieħi wara li ntlaqtet minn karozza f’Ħaż Żabbar.
L-inċident seħħ il-Ġimgħa għall-ħabta nofsinhar fi Triq Wied il-Għajn.
Il-Pulizija marret fil-post u minn stħarriġ li sar irriżulta li l-mara ntlaqtet minn karozza misjuqa minn raġel ta’ 32 sena residenti ż-Żejtun.
Tim mediku mar fil-post sabiex jassisti u ftit tal-ħin wara ambulanza ħadet lill-mara l-isptar għall-kura meħtieġa.
Aktar tard il-mara ġiet iċċertifikata li qed isofri minn ġrieħi ħfief.
L-investigazzjonijiet tal-Pulizija għadhom għaddejjin.
