Ir-rebbieħa tal-ewwel edizzjoni tal-Vuci Għall-Annimali Awards ġew żvelati propju ftit tal-jiem ilu waqt ċerimonja li iccelebrat l-individwi u l-organizzazzjonijiet li jahdmu ghall-benesseri tal-annimali.
F’kummenti ma’ Net News il-preżentatriċi tal-programm Vuċi għall-Annimali Althea Grech spjegat l-għan wara dawn l-unuri.
Fl-ewwel edizzjoni tal-Vuċi Għall-Annimali Awards Fabio Spiteri ingħata l-Unsung Animal Warrior Award 2024 għad-dedikazzjoni tiegħu biex jiġbor fondi u għarfien għall-annimali abbandunati permezz tal-passjoni tiegħu għall-isports estremi.
It-tieni post f’din il-kategorija ingħata lil Angelique Lofaro, rikonoxxuta għax-xogħol bla heda tagħha ta’ salvataġġ u rijabilitazzjoni ta’ annimali selvaġġi bħala parti minn Nature Trust Malta, kif ukoll għall-koordinazzjoni tagħha tal-isforzi għall-ħarsien tal-bejtiet tal-fekieren.
Il-Premju Vuci Għall-Annimali 2024, li jiċċelebra organizzazzjonijiet li jagħmlu impatt trasformattiv fuq il-benessri tal-annimali, ġie ppreżentat lill-Assoċjazzjoni għall-Annimali Abbandunati.
BirdLife Malta ġiet runner-up għall-appoġġ bla waqfien tagħhom għall-konservazzjoni tal-għasafar.
Il-Vuci Għall-Annimali Awards ifakkru x-xogħol inkredibbli li qed isir biex tinħoloq soċjetà aktar ta’ kompassjoni għall-ħlejjaq kollha.
Il-Vuci Għall-Annimali Awards inħolqu biex jagħtu għarfien lill-individwi u organizzazzjonijiet straordinarji li jaħdmu bla heda biex jippromwovu u jipproteġu l-benessri tal-annimali f’Malta.
