Qormi Anici Boys rebħu r-Regional Christmas Trophy tal-Blackball meta fil-finali li saret fil-Fuego Speakeasy Arena, f’Birkirkara, għelbu lil San Ġwann Tiki Taka B 11-3.
Il-Qriema waslu għal din il-fażi wara li aktar qabel eliminaw lil Cospicua Rangers B u lil Qormi Pinto bl-iskor identiku ta’ 21-18.
Min-naħa tagħhom, it-tim minn San Ġwann għelbu lil Juve Birkirkara 21-12, Qormi Anici Stars 21-15 u San Ġwann Tiki Taka A 21-18.
Fil-finali, Qormi Anici Boys, fetħu b’vantaġġ inizjali ta’ 6-1 u minn hemm ‘l hemm ma ħarsux lura sabiex baqgħu sejrin jirbħu frame wara l-ieħor. Minkejja li San Ġwann Tiki Taka B naqqsu l-marġni tal-iskor darbtejn oħra, fil-ġurnata l-avversarji tagħhom kienu aħjar.
Sadanittant, tintlagħab l-aħħar finali tal-kompetizzjonijiet tal-Milied bejn Cospicua Rangers u Ħamrun 147.
