Sport

Qormi San Bastjan jirbħu s-CAMC Blackball Community Christmas Trophy

Qormi San Bastjan rebħu s-CAMC Blackball Community Christmas Trophy meta fil-finali għelbu lil Attard Scorpions 11-1.

Biex waslu sa din il-finali, il-Qriema eliminaw lil San Ġwann Tiki Taka D 21-13, San Ġwann Tiki Taka C 23-21 u Qormi Anici Calleja Ltd 23-21.

Min-naħa tagħhom, Attard Scorpions avvanzaw sa dan l-istadju wara li għelbu lil Gżira Titans (21-13) u Siġġiewi Montekristo (23-22).

F’din il-finali kontra t-tim minn Attard, Qormi San Bastjan iddominaw dan il-konfront mill-bidu sal-aħħar u ma kienx hemm dubju fejn se jmorru l-unuri finali.

Sadanittant, trid tintlagħab it-tieni finali tal-ġimgħa mir-Regional Christmas Trophy meta San Ġwann Tiki Taka B jaffaċċjaw lil Qormi Anici Boys.