Assoċjazzjoni tal-veterinarji appellat lill-Gvern biex jipprovdi aktar riżorsi lejn il-kura veterinarja biex titjieb il-kura ta’ emerġenza u jiġu indirizzati l-isfidi sinifikanti li jiffaċċjaw il-professjonisti veterinarji f’Malta.
L-Assoċjazzjoni Veterinarja ta’ Malta qalet li jinħass bżonn kbir li l-istat iżid ir-riżorsi li jiddedika għall-kura tal-annimali biex jilħaq l-aspettattivi tal-pubbliku ta’ emerġenza veterinarja wara l-ħinijet ta’ xogħol.
Żiedu li l-veterinarji jridu jissagrifikaw il-ħin personali tagħhom u jiffaċċjaw pressjoni finanzjarja minħabba nuqqas ta’ riżorsi.
L-MVA qalet li l-għeluq f’daqqa tal-uniku sptar tal-annimali liċenzjat f’Malta ħalla riżorsi u tagħmir siewi mhux utilizzati biżżejjed, minkejja l-kapaċità tagħhom li jindirizzaw bżonnijiet kritiċi u emerġenzi fi ħdan il-komunità.
L-MVA qalet li l-Gvern għandu jerġa’ juża r-riżorsi tal-isptar li issa huwa magħluq biex jipprovdi appoġġ għal prattikanti privati.
Dan itaffi l-piżijiet tagħhom u jtejjeb il-benessri kemm tal-annimali kif ukoll tal-professjonisti.
