Raġel ta’ 41 sena mill-Guinea u residenti Tal-Pietà kellu jittieħed b’urġenza l-Isptar Mater Dei wara li ntlaqat minn vettura fil-Marsa.
Il-każ seħħ ftit wara l-għaxra tal-Ħadd filgħodu fi Triq Diċembru Tlettax meta għal xi raġuni spiċċa mtajjar minn karozza misjuqa minn raġel ta’ 66 sena minn Birżebbuġa.
Filwaqt li r-raġel ġarrab ġrieħi ħfief, il-Pulizija għaddejja bl-investigazzjonijiet meħtieġa b’rabta mal-każ.
