Kienet sena ta’ sfidi kbar għall-familja Irjali. L-aktar fejn tidħol is-saħħa tal-Prinċipessa Kate u tar-Re innifsu.
U għalhekk, ma kienix sorpriża li r-Re Charles għażel personalment din il-kappella fil-qalba ta’ Londra bħala l-post li minnu jindirizza lin-nazzjon fil-jum tal-Milied – lill hinn mill-Palazz Irjali.
Din hija l-kappella ta’ Fitzrovia. U fiż-żmien, din il-kappella kienet tifforma parti mill-isptar ta’ Middlesex.
Ir-Re Charles ħaseb biex jirrekordja hawn il-messaġġ tiegħu tal-Milied, sabiex jorbtu mas-settur tas-saħħa, u l-professjonisti li jaħdmu fl-isptarijiet.
Tikkummenta ic-Chairperson tal-Bord of Trustees ta’ din il-kappella.
Ir-Re Charles qatta’ l-aħħar sena jieħu trattament għall-kanċer. U jidher li din il-kura se tissokta mal-bidu tas-sena l-ġdida.
Intant, il-messaġġ tar-Re se jixxandar f’Jum il-Milied fit-3pm.
