Din hija Pokrovsk – belt fil-Lvant tal-Ukrajna.
It-toroq huma kważi vojta. Il-pjazez f’dawn il-jiem kienu miksijin bil-borra. Ħajja ta’ xejn. U fil-bogħod…il-ħoss tal-bumbardamenti Russi.
Pokrovsk hija l-istess belt illi fiha twieldet waħda mill-aktar kanzunetti tal-Milied li huma popolari madwar id-dinja kollha – ‘Carol of the Bells’. Kanzunetta li hija meqjusa masterpiece, u li kienet splodiet fil-popolarità meta ġie użata fil-film ‘Home Alone’.
…iżda f’dawn il-jiem, minflok qed tidwi din il-mużika tal-Milied… f’Pokrovsk hemm biss il-ħoss tal-gwerra, u l-biża’ fost il-ftit residenti li għadhom jistaħbet fil-binjiet ta’ din il-belt.
Fil-fatt, Pokrovsk hija l-mira li jmiss tal-Kremlin. U t-truppi ta’ Vladimir Putin determinati li joħduha taħt idejhom.
