Għall-ewwel darba f’Malta, il-kantant lokali Malcolm Pisani, fi tmiem din il-ġimgħa se jkun qed iniedi uffiċjalment fuq il-mezzi soċjali tiegħu kanzunetta bil-Malti bl-isem Is-Sena t-Tajba. Il-kanzunetta hija miktuba minn Malcolm fuq idea tiegħu stess, b’mużika u produzzjoni ta’ Gas Incatasciato mill-Italja.
Malcolm Pisani huwa magħruf ħafna bħala l-kantant tal-Milied minħabba bosta kanzunetti sbieħ li jniedi f’dawn il-jiem ta’ festi, li huma tant għal qalb dan il-kantant.
Il-vidjo mużikali ġie kollu miġbud ġewwa l-Park Nazzjonali ta’ Ta’ Qali mit-tim ta’ Malcolm, Clive Pace, u t-tim tiegħu. Vidjo li jirrappreżenta l-messaġġ ċar tal-kanzunetta f’atmosfera mil-isbah li tikkumplimenta s-suġġett u l-awgurju ta’ din il-kanzunetta tant speċjali u unika.
