Nar żgħir ħakem il-bank tal-BOV f’Ħaż Żebbuġ tard is-Sibt filgħaxija.
Jidher li għalll-ħabta tal-10:10 ta’ filgħaxija, il-bank inħakem minn nar żgħir li jidher li beda minn xi apparat elettroniku fl-uffiċini.
L-uffiċjali tal-Protezzjoni Ċivili, kienu fil-post u rnexxielhom jikkontrollaw in-nirien fi ftit ħin.
Skont rapport jidher li ħadd ma weġġa’ f’dan l-inċident, li seħħ propju fil-qalba ta’ Ħaż Żebbuġ.
