Brighterdaysahead kiseb rebħa qawwija ta’ 30 tul fuq ir-rebbieħ taċ-Champion Hurdle tal-istaġun li għadda, State Man, meta rebaħ in-Neville Hotels Hurdle fl-aħħar jum tal-Festival tal-Milied ta’ Leopardstown.
State Man kien favorit 4-9 fejn iżda patta għat-telfa ristretta li kellu bid-debba mħarrġa minn Gordon Elliott, f’Punchestown, ix-xahar li għadda u kiseb it-tielet rebħa konsekuttiva f’Leopardstown.
Iżda t-tiġrija spiċċat bla oppożizzjoni għal Brighterdaysahead li segwa ma’ Kingsfield, matul il-mili tal-bidu, bil-favorit imħarreġ minn Willie Mullins diġà kien tużżana tulijiet ‘il bogħod fit-tielet post.
Brighterdaysahead, misjuqa minn Sam Ewing, ħa post il-ġerrej imweġġa’ Jack Kennedy, marret fil-vantaġġ eżatt qabel l-ostaklu ta’ qabel tal-aħħar u, minkejja qabża kemxejn diżordinata fl-aħħar, kompliet testendi l-vantaġġ tagħha hekk kif State Man baqa’ fi dwell ma’ Winter Fog.
