Mis-Serie A, rebħiet importanti għal Como u Verona.
Como għelbu lil Lecce 2-0, bil-gowls ikunu skorjati permezz ta’ Nico Paz u Patrick Cutrone fit-tieni taqsima wara li l-istess Paz fl-ewwel taqsima falla penalty.
Verona minn naħa l-oħra kisbu rebħa ta’ 3-2 fuq Bologna. Bologna fil-vantaġġ wara 20 minuta permezz ta’ Benjamin Dominguez. Verona iġibu l-iskor indaqs fit-38 minuta permezz ta’ Amin Sarr. Casper Tengstedt poġġa lil Verona fil-vantaġġ qabel il-mistrieħ. Bologna sfaw jilagħbu bi plejer anqas meta tkeċċa Tommaso Pobega fil-51 minuta fejn minkejja dan ġabu l-iskor indaqs seba’ minuti wara permezz ta’ Dominguez. Verona skorjaw il-gowl tar-rebħa fit-88 minuta permezz ta’ awtogowl ta’ Santiago Castro.
