L-attakkant Eġizzjan Mohamed Salah stqarr li jinsab ferm il-bogħod milli jilħaq ftehim ma’ Liverpool sabiex iġedded il-kuntratt tiegħu. Il-kuntratt ta’ Salah li għandu 32 sena jiskadi fis-sajf li ġej u mill-1 ta’ Jannar jista’ jilħaq ftehim ma’ klabbs oħra barra minn l-Ingilterra.
Salah skorja l-20 gowl tiegħu dan l-istaġun meta l-Ħadd, Liverpool għelbu 5-0 lil West Ham sabiex komplew ikabbru l-vantaġġ tagħhom f’ras il-klassifika għal tmien punti.
Wara l-partita, meta kien mistoqsi dwar il-futur tiegħu, Salah qal li jinsab il-bogħod milli jilħaq ftehim iżda jixtieq iżomm in-negozjati bejnu u bejn il-klabb sigrieti.
