Id-dinja tal-films fl-2023 kienet dominata minn Barbenheimer. Filwaqt li sena 2024 kienet dominata mill-istenija għal Glicked; Gladiator part II u Wicked, li għalkemm ma laħqux il-quċċatta nett tal-klassifika tal-aqwa films kienu fost l-akatr films mistennija għal din is-sena. Kienu wkoll iż-żewġ films li ħarġu fl-istess ġurnata fis-swali taċ-ċinema tal-Istati Uniti.
Skont statistika ufficjali l-iktar film li għamel suċċess kien Inside Out 2, sequel li jara lil Riley fi żmien il-pubertà tipprova tfendi qalb id-diversi emozzjonijiet ġodda li qed tħoss fosthom ferħ, dwejjaq, rabja, biża’, għira u anzjetà.
It-tieni l-iktar film segwit fl-2024 kien il-film ta’ Marvel – Deadpool & Wolverine, fejn l-univers ta’ Deadpool jiġi mhedded wara li t-Time Variance Authority tirrekluta lill-Deadpool biex jgħinhom jipproteġu l-multiverse. B’hekk, Deadpool jingħaqad ma’ Wolverine sabiex isalva l-univers tiegħu milli jisfaxxa fix-xejn.Film li ra lil Ryan Reynolds jiterpreta l-parti ta’ Deadpool u l-Hugh Jackamn fil-karatru ta’ Wolverine.
Fit-tielet post insibu l-film Despicable Me 4, segwit minn Moana 2, u Dune Part Two li jseplora l-aventura ta’ Paul Atreides hekk kif jerġa jingħaqad ma Chani u Fremen waqt li jkun fi triqtu biex jagħmel vendetta fuq dawk li farku l-familja tiegħu.
Fis-sitt post insibu l-musical Wicked, li jsegwi l-istorja ta’ Elphabe tfajla li kienet evitata minn bosta minħabba l-kulur ħadrani tal-ġilda tagħha, li eventwalment issir ħabiba mal-iktar tfajla popolari fl-Università ta’ Shiż Galinda, ħbieberija li tixellef meta jiltqagħu mal Wonderful Wizard of Oż.
Fis-seba’ post insibu l-film Godzilla x Kong: The New Empire, segwit minn Kung Fu Panda 4 U Venom Tje Last Dance.
Fl-10 post insibu il-film Beetlejuice: Beetlejuice, fejn naraw kif wara traġedja familjari tliet ġenerazzjonijiet tal-familja Deetz jirritornaw lura d-dar f’ Winter River li għada maħkuma minn Beetlejuice. Film li jinkludi bosta atturi stabiliti fosthom:Michael Keaton, Winona Ryder, Catherine o’Hara, Jenna Ortega u Monica Bellucci fost oħrajn.
Fil-11 post insibu l-film Gladiator II, li jsegwi fuq is-suċċess tal-ewwel film fejn wara 16-il sena mil-mewt ta’ Marcul Aurelius , in-neputi tiegħu Lucius jirritorna Ruma li hija makuma minn żewġ emperaturi tewmin korotti Geta u Caracalla.
Gladiator II huwa segwiet minn Bad Boys: Ride or Die, Kingdom of the Planet of The Apes Twisters , It Ends with Us, Alien: Romolus, Mufasa:The Lion King, The Wild Robot, Red One u A Quite Place : Day One.
Fil-51 post fil-lista hemm il-film The First Omen segwit mill-film politiku Conclave, fin-nofs tal-lista insibu l-film Pushpa: The Rule – Part 2 u fil-qiegħ tal-lista hemm il-films Babygirl, Sight u Waves.
