Ilbieraħ għall-ħabta tal-11 am il-pjazza taż-Żurrieq u toroq tal-madwar imtlew bid-drenaġġ wara li dan far għat-triq.
Net News hu magħruf li r-residenti kienu ilhom jirraportaw li l-katusi kienu ilhom għal jumejn sħaħ miżdudin. Iżda, minkejja dawn ir-rapporti, jidher li xejn ma sar sakemm id-drenaġġ far u nxtered mat-toroq.
Dan wassal biex il-pjazza kollha mtliet bid-drenaġġ u anke xi toroq fil-madwar ġew affetwati.
Mhux magħruf jekk s’issa s-sitwazzjoni ġietx lura għan-normal.
