LeBron James sar l-ewwel plejer fl-istorja tal-Basketball professjonali Amerikan NBA li lagħab bħala żagħżugħ u issa li għandu 40 sena hekk kif fil-Kampjonat, Los Angeles Lakers tilfu kontra Cleveland Cavaliers.
LeBron James, li ddebutta fl-NBA bħala żagħżugħ ta’ 18-il sena fl-2003, għalaq 40 sena fit-30 ta’ Diċembru.
Huwa għamel 23 punt fit-telfa ta’ 122-110 fil-Crypto.com Arena, f’Los Angeles, iżda għal dan kien hemm is-27 punt minn Jarrett Allen li għenu lil Cleveland Cavaliers biex jiksbu t-tmien rebħa konsekuttiva.
Meqjus b’mod unanimu bħala wieħed mill-aqwa plejers tal-basketball ta’ kull żmien, LeBropn James is-sena l-oħra sar l-aqwa skorer ta’ punti ta’ kull żmien tal-NBA.
Fil-karrier huwa rebaħ erba’ Kampjonati tal-NBA, intgħażel bħala l-Aktar Plejer Importanti erba’ darbiet u jinsab fit-22 staġun tiegħu fl-NBA, rekord li jaqsam ma’ Vince Carter li llum jinsab irtirat.
Cleveland Cavaliers baqgħu fil-quċċata tal-Eastern Conference filwaqt li Los AngelesLakers jinsabu fis-seba’ post fil-Western Conference.
