It-tieni film ta’ Gladiator kien l-iktar film popolar fost il-poplu Malti u Għawdxi. Dan minkejja li kien rilaxxat fis-swali taċ-ċinema tard matul is-sena 2024, fil-15 ta’ Novembru.
Gladiator II bi produzzjoni ta’ Parmaount isegwi fuq is-suċċess tal-ewwel film fejn wara 16-il sena mil-mewt ta’ Marcus Aurelius, in-neputi tiegħu Lucius jirritorna f’Ruma li hija makuma minn żewġ Imperaturi tewmin korrotti.
Fit-tieni post tal-klassifika maħruġa minn KRS insibu l-film ta’ Marvel Deadpool & Wolverine; Film li ra lil Ryan Reynolds jiterpreta l-parti ta’ Deadpool u l-Hugh Jackamn fil-karatru ta’ Wolverine.
Interessanti l-fatt li anka fi statistika uffiċjali internazzjonali dan il-film ikklasifika ft-tieni post.
Fit-tielet post insibu l-film animat Inside Out 2, sequel li jara lil Riley fi żmien il-pubertà tipprova tfendi qalb id-diversi emozzjonijiet ġodda li qed tħoss fosthom ferħ, dwejjaq, rabja, biża’, għira u ansjetà.
Ir-reba’ film l-aktar favorit fost il-poplu Malti u Għawdxi kien Despicble Me 4, fejn issa żdied membru ieħor fil-familja ta’ Gru – Gru Jr li ma għandux simpatija kbira lejn missieru. Bil-familja kollha tipsiċċa tiffaċja għadu ġdidi Maxime Le Mal.
Fil-ħames post insibu l-musical Wicked, li jsegwi l-istorja ta’ Elphabe – tfajla b’ġilda ħadranija u b’abiltajiet straordinarji, li eventwalment issir ħabiba ma’ Galinda…. l-iktar tfajla popolari fl-Università ta’ Shiż; ħbieberija li tixellef meta jiltqagħu mal Wonderful Wizard of Oż.
Il-film Moana klassifika fis-sitt post segwit mill-film It EndsWith Us, film li huwa bbażat fuq il-ktieb bl-istess isem ta’ Colleen Hoover…u li kien idominat bil-kwistjoni li inqalgħet bejn l-atturi hekk kif ftit tal-jiem ilu Blake Lively akkużat lil Justin Baldoni b’fastidju sesswali
Fit-tmien post insibu l-film Wonka li kien rilaxxat fis-swali taċ-ċinema fit-8 ta’ Novembru tal-2023, segwit minn Paddington In Peru…. u Dune: Part 2
