Floriana kisbu l-ewwel rebħa tat-tieni rawnd wara li temmew fl-ewwel post tal-Opening round. L-ewwel tliet punti waslu kontra Naxxar Lions bl-iskor komdu ta’ 4-0.
Floriana fetħu l-iskor wara 18-il minuta permezz tal-internazzjonali Malti Carlo Zammit Lonardelli li xeħet ġewwa wara li l-ewwel xutt ta’ Sasere ġie salvat minn Debono.
Ftit minuti qabel tmiem l-ewwel taqsima, Owen Spiteri għamel l-iskor 2-0 b’xutt mill-viċin minn freekick mogħti minn Grech.
Franklin Sasere kompla l-forma tajba hekk kif għamel l-iskor 3-0 fit-58 minuta b’xutt mill-viċin minn suġġeriment ta’ Grech.
Il-Greens komplew jiskorjaw hekk kif għaxar minuti wara Franklin Sasere skorja d-dopjetta personali b’azzjoni tajba mibdija minn Garcia, b’Grech għal darb’oħra jagħti assist ieħor.
Franklin Sasere skorja dopjetta personali kontra Naxxar (Ritratt: Joseph Galea)
