Erba’ timijiet għaddew għall-ewwel round tal-MAFA KO wara li kisbu rebħiet tajbin kontra l-avversarji rispettivi tagħhom. L-ikbar rebħa kisbuha Marsa St Michael’s li għelbu lil Senglea Gunners 5-0.
Sa tmiem l-ewwel taqsima, il-Marsin kienu 4-0 minn fuq bis-Sengleani li sabuha ferm diffiċli jwaqqfu lill-avversarji tagħhom, partikolarment l-eks tal-partita Lamin Jaiteh li skorja tliet gowls. Kien l-istess Jaiteh li skorja tliet gowls fl-ewwel taqsima sabiex Anas Souhaile żied ieħor għall-Marsin.
Fit-tieni taqsima, ir-ritmu tal-logħba naqas xi ftit għalkemm Marsa xorta sabu l-ħin jiskorjaw gowl ieħor żewġ minuti minn tmiem il-partita permezz ta’ Shaun Vella.
Marsa issa jilagħbu fl-ewwel round kontra Swieqi United AFC.
Referee kien Lorry Sammut.
Rebħa għal Qajjenza ACJ
It-tim mit-tielet diviżjoni Qajjenza ACJ għelbu lil Zebbuġ Youngsters mit-tieni diviżjoni 3-0.
It-tim mill-Qajjenza kien fil-kontroll tal-partita għal ħafna mill-ħin u sa tmiem l-ewwel taqsima kien qed jirbaħ 2-0 grazzi għall-gowls ta’ Ronnie Celeste u Precious Linus Tenebe.
Fit-tieni taqsima kien l-istess Tenebe li ssiġġilla r-rebħa għal Qajjenza ACJ li issa se jiltaqgħu kontra St Paul’s Bay NMFC fir-round li jmiss.
Referee kien Sillah Alhasana.
Jikkwalifikaw ukoll Ħamrun Amateurs
Gowl uniku ta’ Joyfred Farrugia kien biżżejjed sabiex Ħamrun Amateurs tat-tieni diviżjoni għelbu lil Mqabba Albions mill-Ewwel Diviżjoni.
Kien fl-24 minuta li Farrugia skorja sabiex għeleb lill-goalkeeper avversarju.
Minkejja l-isforzi tal-Imqabbin biex iġibu l-iskor indaqs, il-Ħamruniżi żammew sod sabiex kisbu dak li riedu, jiġifieri l-kwalifikazzjoni fejn issa jaffaċċjaw lil Birżebbuġa St Peter’s.
Referee kien Igor Kankaras.
Logħba interessanti
Finalment Valletta Stars St Dominic għelbu lil Ta’ Ġiorni Wanderers 2-1 f’logħba ferm interessanti.
Il-Beltin stabbilixxew vantaġġ doppju sa tmiem l-ewwel taqsima permezz ta’ Federico Marine fid-9 minuta u Jose David Diaz Urango fis-16-il minuta. It-tieni taqsima kienet waħda aħjar għal Ta’ Ġiorni li skorjaw fis-46 minuta permezz ta’ Samuel Barthet iżda m’għarfux iġibu l-iskor indaqs sabiex ġew eliminati minn din il-kompetizzjoni.
Min-naħa tagħhom, Valletta jilagħbu kontra Mosta Vikings fl-ewwel round nhar is-Sibt li ġej.
Referee kien Paul Apap.
San Ġiljan Saints ħadu walk-over ta’ 2-0 kontra Ħal Far Titans.
Il-logħbiet li jmiss tal-MAFA KO jintlagħbu nhar is-Sibt li ġej b’dan il-programm:
Marsaxlokk Ground
14:30 – St Paul’s Bay NMFC –Qajjenza ACJ
16:15 – San Ġwann Pro Evolution – Attard Edex Kings
18:00 – Naxxar Victorians – San Ġiljan Saints
Qormi Ground
14:00 – Ħamrun Amateurs – B’Buġia St Peter’s
15:45 – Swieqi Utd AFC – Marsa St Michael
17:30 – Mosta Vikings – Valletta Stars SD
