It-tim artistiku mmexxi mid-direttur mużikali tal-Banda San Ġiljan Jessica Scerri Ellul se jippreżentaw Classics and Origins. Il-Banda San Ġiljan ser ittella’ dan il-kunċert nhar is-Sibt 25 ta’ Jannar 2025 fil-Ballroom tal-lukanda Radisson Blu, f’San Ġiljan, fit-8 ta’ filgħaxija.
Dan il-kunċert uniku ser ikun taħt id-direzzjoni tas-Surmast Roberto Beltran-Zavala, direttur mużikali ta’ fama internazzjonali. Ikkunsidrat fix-xena mużikali klassika bħala wieħed mill-aqwa surmastrijiet tal-ġenerazzjoni tiegħu, Roberto Beltran Zavala ser ikun qed jieħu l-udenzja fuq vjaġġ ta’ mużika kemm klassika kif ukoll lokali.
L-udjenza ser ikollha l-opportunità li tesperjenza serata unika b’diveri siltiet mużikali li jibqgħu klassiċi għal dejjem, fosthom l-Overture to Tannhäuser ta’ Richard Wagner, Carmenta’ Georges Bizet, is-silta miktuba għall-Banda Military First Suite in Ebta’ Gustav Holst u fl-aħħar u mhux l-anqas is-silta Malta Suite b’omaġġ lill-kompożitur Malti Charles Camilleri.
Il-biljetti għal dan il-kunċert jinstabu fuq www.ticketline.com għal donazzjoni ta’ €10 waqt li t-tfal u żgħażagħ taħt it-18-il sena b’xejn. Dan jinkludi wkoll bibita wara l-kunċert fir-Radisson Ballroom.
Aktar informazzjoni dwar il-kunċert mill-Banda San Ġiljan fuq: bandasangiljan@gmail.com
