Sliema jagħtu l-ewwel telfa lil Neptunes u l-ewwel tliet punti għal Exiles

Sliema Frank Salt taw l-ewwel telfa lil Neptunes Videoslots meta għelbuhom meritatament 13-8. Din ir-rebħa mhux biss serviet biex Sliema bdew is-sena fuq nota pożittiva iżda wkoll għaliex laħqu lill-istess Neptunes fil-quċċata.

L-uniku darba li Neptunes kellhom il-vantaġġ fil-logħba kien fl-ewwel sessjoni meta marru 2-1 minn fuq b’gowls ta’ Stevie Camilleri u Max Lanzon. Sliema dawru r-riżultat sa tmiem is-sessjoni u l-gowl tas-6-3 minn Benji Cachia lejn tmiem it-tieni sessjoni witta t-triq għar-rebħa Slimiża.

Dan minkejja li wara l-vantaġġ ta’ 8-3, Neptunes wieġbu f’erba’ okkażjonijiet wara xulxin u naqqsu d-distakk parzjalment għal erba’ gowls kull darba. B’Sliema jibdew l-aħħar sessjoni 11-7, ir-rimonta ta’ Neptunes baqgħet improbabbli, b’Liam Galea u Benji Cachia reġgħu sabu x-xibka filwaqt li Camilleri skorja bejniethom minn penalty, gowl li ma kienx biżżejjed biex jevita t-telfa.

Sliema: N. Grixti, E. Schembri (2), L. Galea (3), J. Gambin, J. Cassar, B. Cachia (3), D. Rizzo, J. Brownrigg, A. Galea (1), J. Chircop, D. Zammit (3), B. Busuttil, S. Engerer (1)

Neptunes: M. Castillo, M. Lanzon (1), S. Gialanze (2), J. Pawley, L. Mallia, J. Valletta (1), S. Camilleri (3), M. Castillo, S. Mifsud, J. Bajada (1), A. Fava, E. Mallia, M. Farrugia, R. Spiteri

Referees: Alex de Raffaele, Fabio Brasiliano

Is-sena l-ġdida ġabet magħha l-ewwel rebħa f’din l-edizzjoni għal Exiles f’konfront bejn tnejn mit-tliet timijiet tan-naħa ta’ isfel tal-klassifika. Exiles fetħu bl-aħjar mod possibbli u ħadu vantaġġ ta’ tliet gowls li ġew skorjati minn Giancarlo Gatt, Matteo Martellacci u Mark Fenech.

Marsaskala ttantaw reazzjoni u naqqsu d-distakk għal 4-2 fit-tieni sessjoni u 6-3 fit-tielet sessjoni. Kien Mark Fenech li b’doppjetta minn tiegħu flimkien ma’ gowl minn Keith Tanti, kabbru l-vantaġġ għal 9-3 li kien wisq għall-Iskalin biex jirkupraw. Dan id-distakk ippermetta lil Exiles biex ikkontrollaw l-aħħar sessjoni.

Exiles: A. Borg Cole, G. Gatt (2), Z. Micallef, D. Pace Lupi, M. Martellacci (1), M. Paris Roding, M. Fenech (7), K. Griscti, M. Naudi, K. Tanti (2), K. Navarro (1), L. Felice, G. Galea Curmi,

Marsaskala: A. Muscat, D. Ciantar (1), T. Fenech (1), J. Pace Mizzi, J. Simpson, R. Greco (2), M. Agius, C. Harrison (1), K. Grech, G. Sammut, E. Bilgrin, J. Colombo, L. Gatt, N. Spiteri (1)

Referees: Juana Cauchi, Neville Mercieca

Kif Jinsabu

Logħob li jmiss