Raġel ta’ 63 sena u joqgħod iż-Żurrieq, għal xis-7:30pm tal-bieraħ, ittieħed l-Isptar Mater Dei wara li weġġa’ f’inċident tat-traffiku fi Vjal il-Blue Grotto, iż-Żurrieq.
Mill-ewwel stħarriġ irriżulta li r-raġel intlaqat minn Citroen Saxo, li kienet qed tinstaq minn ġuvni ta’ 19-il sena residenti Ħal Luqa.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ gravi.
L-investigazzjonijiet mill-Pulizija għadhom għaddejjin.
