Raġel ta’ 63 sena weġġa’ wara li ntlaqat minn karozza tat-tip Toyota Aygo misjuq minn raġel ta’ 36 sena. L-inċident seħħ fi Triq Ġużè Howard f’kantuniera ma’ Triq Għar id-Dud, f’Tas-Sliema. Dan l-inċident seħħ għall-ħabta tal-4.45 ta’ filgħaxija.
Intant, it-triq ingħalqet miż-żewġ naħat.
Fuq il-post isejjaħ tim mediku, li ħa r-raġel l-Isptar Mater Dei għal aktar kura medika. Il-kundizzjoni tar-raġel għadha pendenti. Għaldaqstant, il-Pulizija għadha għaddejja bl-investigazzjonijiet.
