Juventus kisbu s-servizzi ta’ żewġ plejers li jafu jkunu importanti għall-istaġun tal-Bianconeri, li s’issa kien pjuttost diżappuntanti. Fl-ewwel sena ta’ Motta fit-tmexxija ta’ Juventus, il-Bianconeri akkumulaw 13-il draw wara 20 partita fis-Serie A, fejn rebħu biss 7. Apparti minnhekk Juventus tilfu fis-semi finali tas-Super Coppa, u jinsabu fl-14-il post tal-UEFA Champions League, jiġifieri barra mill-ewwel 8 li jgħaddu għar-rawnd li jmiss.
Dan minkejja li Juventus għamlu ħafna xpgħol fis-suq tat-trasferimenti tas-sajf, fosthom kisbu lil Koopmeiners, Thuram, Kalulu, Cabal, Conceicao, Gonzalez u Di Gregorio, fost oħrajn.
Illum Juventus ħabbru uffiċjalment żewġ akkwisit importani, bl-ewwel wieħed ikun Alberto Costa mingħand Vitoria Guimaraes għas-somma globali €13-il miljun, imħallsa fuq 4 snin.
Skont bosta rapport, id-difensur laterali tal-lemin irrifjuta offerti mingħand Brighton u klabbs oħra mill-Premier League biex ingħaqad mal-Vecchia Signora.
Apparti Costa, Juventus anke akkwistaw l-attakkant Franċiż Kolo Muani b’self sal-aħħar tal-istaġun. Il-Franċiż jingħaqad ma’ Juventus sa’ Ġunju li ġej, mingħajr ebda obligu jew għażla li jinxtara. Randal Kolo Muani din is-sena ma’ PSG lagħab 10 partiti, fejn skorja żewġ gowls u provda assist wieħed f’Ligue 1.
