San Ġiljan pass bogħod mill-ewwel unur tas-sena… Valletta b’rebħa oħra u l-ewwel punti għal Birżebbuġa

Rebħa missielta iżda prezzjuża għal San Ġiljan JP Projects li poġġiethom pass bogħod milli jirbħu l-Enemed Cup għat-tieni sena konsekuttiva. Riżultat li tellef kull ċans lil Neptunes li jirbħu din il-kompetizzjoni għat-tieni darba fl-istorja. Għalihom irritorna Jordan Camilleri filwaqt li San Ġiljan kellhom is-soliti Jake Tanti u Matthew Zammit assenti.

Botta u risposta kkaratterizzat il-logħba. Fl-ewwel parti, Neptunes kellhom vantaġġ minimu aktar minn darba. Fl-ewwel sessjoni bnew vantaġġ doppju b’gowls ta’ Mark Castillo u Jake Bajada sakemm San Ġiljan irkupraw l-iżvantaġġ qabel tmiem is-sessjoni. L-istess ġara fit-tieni sessjoni f’żewġ okkażjonijiet sakemm fl-aħħar sekondi, Sam Gialanze wieġeb għall-gowl ta’ Ben Plumpton.

Il-vantaġġ baqa’ jalterna fit-tielet sessjoni iżda kien penalty skorjat minn Nikolai Zammit li wassal biex il-Ġiljaniżi bdew l-aħħar sessjoni 8-7 minn fuq. Wara li Jordan Camilleri ġab id-draw, San Ġiljan bnew vantaġġ doppju għall-ewwel darba. L-isforzi ta’ Neptunes biex isalvaw il-logħba baqgħu sal-aħħar speċjalment wara li Luigi Mallia naqqas id-distakk kif ukoll tilfu lil Ben Plumpton li tkeċċa. Madankollu San Ġiljan żammew sod sat-tmiem.

Neptunes: M. Castillo, M. Lanzon, S. Gialanze (2), L. Mallia (1), J. Camilleri (1), J. Valletta, S. Camilleri (3), M. Castillo (1), J. Pawley, J. Bajada (1), A. Fava, E. Mallia, M. Farrugia, R. Spiteri

San Ġiljan: M. Xerri, N. Bugelli, D. Tully (1), G. Bonavia, R. Caruana, L. Dimech, J. Bonavia (1), B. Plumpton (2), J. Abela, N. Zammit (5), D. Zammit, N. Schiavone (1), Z. Attard, N. Bonavia

Referees: Ronnie Spiteri, Alex De Raffaele

Birżebbuġa kisbu l-ewwel rebħa f’din l-edizzjoni b’rimonta fl-aħħar sessjoni biex b’hekk laħqu lill-istess Exiles Welbee’s fil-klassifika. Kien Kyle Navarro li poġġa lil Exiles fil-vantaġġ sakemm Birżebbuġa dawru r-riżultat bi tliet gowls fit-tieni parti tal-ewwel sessjoni.

Reazzjoni immedjata minn Exiles li permezz ta’ tripletta minn Gianni Gatt, temmew it-tieni sessjoni 4-3 minn fuq. Birżebbuġa baqgħu jiġru wara r-riżultat u gowl żvantaġġ sa nofs l-aħħar sessjoni b’gowls minn Miguel Curmi u Mikhael Cutajar spiċċaw biex kienu determinanti u taw ir-rebħa għat-tim ta’ Edward Aquilina.

Birżebbuġa: M. Sladden, M. Aquilina (2), M. Cassar, D. Incorvaja, S. Bezzina, M. Manara, J. Abdilla, N. Saliba, D. Farrugia (1), M. Cutajar (2), I. Galea, M. Curmi (1), S. Livori, J. Saliba

Exiles: A. Borg Cole, G. Gatt (3), Z. Micallef, M. Martellacci (1), M. Paris Roding, M. Fenech, K. Griscti, M. Naudi, K. Tanti, K. Navarro (1), L. Felice, G. Galea Curmi

Referees: Stefan Licari, Richard Magri

Ebda sorpriża u tliet punti faċli għal Valletta Izibet bil-kowċ Joe Cremona seta’ jħalli lil Ivan Nagaev bilqiegħda. Il-Beltin ħadu ftit sekondi biex ħadu l-vantaġġ u kkonsolidawh fit-tieni parti tal-ewwel sessjoni b’sitt gowls minn sitt plejers differenti.

It-tieni perjodu kien identiku, b’Valletta aċċertaw mir-rebħa b’sitt gowls oħra mingħajr risposta. B’rotazzjoni aktar qawwija u b’ritmu tal-logħba li kompla jnaqqas, Marsaskala rnexxielhom jillimitaw ftit id-danni bi tliet gowls konsekuttivi fit-tielet sessjoni. Id-distakk saħansitra niżel għal 13-8 fl-aħħar sessjoni, b’Valletta reġgħu għollew ftit il-livell b’ħames gowls fl-aħħar tliet minuti tal-logħba għal rebħa b’distakk kbir.

Marsaskala: A. Muscat, D. Ciantar, T. Fenech (2), J. Pace Mizzi (2), J. Simpson, R. Greco (2), M. Agius, C. Harrison (1), K. Grech, E. Bilgrin, J. Colombo (1), L. Gatt, Z. Campbell

Valletta: A. Bugeja, M. Mifsud (2), M. Carani (1), J. Sciberras (2), S. Busuttil (2), Z. Cutajar Licari, M. Zammit (1), I. Nagaev, K. Borg (4), K. Erdogan (4), M. Chircop, K. Cremona (1), G. Borg, L. Hyzler (1)

Referees: Massimo Angileri, Debbie Tully

Kif Jinsabu

Logħob li jmiss

L-Erbgħa 22 ta’ Jannar: Sirens v Sliema 6.15pm

Is-Sibt 25 ta’ Jannar: Marsaskala v Birżebbuġa 2.45pm, Valletta v Exiles 3.55pm, Sirens v Neptunes 5.05pm, San Ġiljan v Sliema 6.15pm