“Diżastru”. Din hija l-frażi li qed jużaw it-iobba fid-Dipartiment tal-Emerġenza, hekk kif Mater Dei jinsab fi kriżi.
Fil-fatt, it-tobba li tkellmu mat-Times of Malta, ddiskrevew irreferew għall-iffullar fis-swali, in-nuqqas ta’ staff, nuqqas ta’ ħin ta’ mistrieħ, u sistema li hija kompletament imfarrka. B’tabib saħanistra jispjega li fi 12-il siegħa, wieħed lanqas ikollu ċans imur jaqdi l-bżonnijiet tiegħu.
Fl-aħħar jiem kompliet tigrava s-sitwazzjoni fl-Isptar Mater Dei, bil-Ministru JoEtienne Abela, jilħaq ftehim mal-istparijiet privati f’pajjiżna sabiex jieħdu numru ta’ każijiet mill-emerġenza u b’hekk itaffu mill-piż fuq Mater Dei.
Iżda jiem wara sar magħruf, illi dan il-pjan kien wieħed li kkaġuna aktar problemi…..dan minħabba n-nuqqas ta’ protocol.
Kirurgu li tkellem mat-Times faħħar il-pjan tal-Gvern li jsir ftehim mas-settur privat, iżda kkritika n-nuqqas ta’ trasparenza u l-għaġla tal-Gvern sabiex jimplimenta dan il-pjan. Dan kollu minħħabba n-nuqqas ta’ protocol li wieħed għandu josserva meta jasal biex jiddeċiedi liema pazjent se jinżamm Mater Dei u liema se jkun qed jintbagħat fl-isptarijiet privati.
Bil-Kirurgu jispjega illi l-inkwiet prinċipali tat-tobba huwa dwar min se jkun responsabbli għal dawn il-pazjenti.
Jidher illi sa issa, mhux ċar kif is-sistema kif se tkun qed taħdem u min se jkun qed jerfa’ responsabbiltà tal-pazjent ġaladarba jkun qed jitmexxa minn sptar għall-ieħor…..hekk kif…skont it-tobba, huwa inaċċetabbli li tabib fl-isptar Mater Dei jerfa’ responsabbiltà għal pazjent li jkun tmexxa fi sptar privat.
B’reazzjoni għal dan kollu, l-Assoċjazzjoni Medika Maltija ordnat numru ta’ direttivi lill-membri tagħha – b’waħda mid-direttivi tkun dik li ma jintbagħtux pazjenti lejn l-isptarijiet privati. Bil-MAM tispjega li d-direttivi se jkunu qed jiżdiedu minn nhar il-Erbgħa.
Intant, anke l-gazzetta, Il-Mument, rrappurtat dwar id-diffikultjajiet tal-Isptar Mater Dei. B’sorsi ta’ din il-gazzetta jistqarru illi aktar ma jmur is-sitwazzjoni qed tiggrava; b’nuqqas ta’ spazju, popolazzjoni anzjana u anke l-isplużjoni fil-popolazzjoni li qed tħalli effett kbir…kollu frott id-deċiżjonijiet tal-Labour.
Bil-gazzetta tispjega li jekk il-Gvern se jibqa’ jinjora l-għajnuna li qed tkun offruta lil dan is-settur mill-Oppożizzjoni, is-settur se jibqa’ jikkrolla.
