Il-ħatra tal-President-Elett tal-Istati Uniti Donald Trump se tkun qed tixxandar LIVE fuq Net Television.
L-inawgurazzjoni tal-47 President tal-Istati Uniti se ssir it-Tnejn f’nofsinhar (fis-6pm ħin ta’ Malta).
Net Television se jkun qed iwassal xandira diretta minn Washington, b’analiżi flimkien ma’ diversi mistidnin fl-istudios. Din l-edizzjoni speċjali tal-programm NETLIVE tibda fil-5:15pm, sabiex imbgħad fis-6pm insegwu b’mod dirett il-ħatra ta’ Trump fir-rotunda tal-Capitol.
Minħabba t-temp kiesaħ, il-parata tal-inawgurazzjoni se ssir fuq ġewwa. L-aħħar ħatra ta’ President li saret ġewwa kienet ta’ Ronald Reagan fl-1985.
L-inqas temperatura għall-20 ta’ Jannar, f’Washington, mistennija tkun ta’ -11-il grad u l-ogħla se tkun -5 gradi.
