Il-President Joe Biden, minuti qabel għadda l-Presidenza tal-Istati Uniti lil Donald Trump, laqa’ – skont it-tradizzjoni – lill-istess Trump u lil martu Melania, fil-White House, fejn huma ħadu t-te flimkien qabel telqu lejn il-Capitol ta’ Washington għall-inawgurazzjoni ta’ Trump bħala s-47 President Amerikan.
Din kienet anki l-ewwel laqgħa bejn Biden u Trump u n-nisa tagħhom u meta Jil Biden kienet ukoll preżenti għall-aħħar okkażjoni tagħha bħala l-First Lady tal-Istati Uniti.
Joe Biden, fl-ewwel kummenti lil Trump, qallu ‘merħba lura fil-White House’ u meta la hu u lanqas Trump ma wieġbu għall-mistoqsijiet tal-ġurnalisti.
Madankollu, Biden – qabel il-wasla ta’ Trump – informa lill-midja li hu kien qed iħossu ‘tajjeb’ waqt l-aħħar jum tiegħu bħala President.
It-tradizzjoni fejn President Amerikan li wasal biex jispiċċa jieħu t-te fil-preżenza tal-President suċċessur kienet bdiet fl-1837 – bil-Presidenti Martin Van Buren u Andrew Jackson bħala ‘l-pijunieri’.
