Estadio Da Luz : Benfica 4 Barcelona 5
Disa’ gowls u spettaklu f’Lisbona fejn wara biss 2 minuti, minn azzjoni ta’ Alvaro Fernandez kien VANGELIS PAVLIDIS li poġġa lil Benfica fil-vantaġġ. Fit-13-il minuta minn penalty, ROBERT LEWANDOWSKI għeleb lil Anatoly Trubin għal 1 – 1 . Fit-22 minuta kien mill-ġdid PAVLIDIS li għeleb lil Szczesny b’Benfica fil-vantaġġ. Fit-30 minuta l-iskor sar 3 – 1 għal Benifica u mill-gdid VANGELIS PAVLIDIS li minn penalty għeleb lil Szczesny.
Fit-tieni taqsima seħħ l-impossibbli. Wara li fl-64 minuta RAPHINHA għeleb lil Trubin għal 3 – 2, awtogowl ta’ RONALD ARAUJO fit-68 minuta rega’ ta vantaġġ doppju lil Benifica. Fit-78 minuta, bit-tieni penalty għal Barcelona, LEWANDOWSKI għamel l-iskor 4 – 3 . Fis-86 minuta minn azzjoni ta’ Pedri, ERIC GARCIA
Bergamo : Atalanta 5 Sturm Graz 0
Bir-raba’ rebħa minn seba’ partiti, Atalanta telgħu fit-tielet post fil-klassifika. Fit-12 il-minuta kien MATEO RETEGUI li minn azzjoni ta’ Zappacosta għeleb lil Scherpen għall-uniku gowl matul l-ewwel taqsima.
Fid-49 minuta gowl ta’ Charles de Ketelaere ma kienx ikkonvalidat bil-VAR, iżda fit-58 minuta minn pass ta’ Juan Quadrado, MARIO PASALIC għamel l-iskor 2 – 0. Fit-63 minuta kien CHARLES DE KETELAERE li għeleb lil Kjell Scherpen għal 3-0. Fit-80 minuta gowl ta’ Zappacosta ma kienx ikkonvalidat bil-VAR. Fid-90 minuta minn pass ta’ de Ketelaere kien ADEMOLA LOOKMAN li għamel l-iskor 4 – 0 bl-aħħar gowl ta’ Atalanta skorjat fl-94 minuta minn MARCO BRESCIANINI.
Anfield : Livcerpool 2 Lille 1
Is-seba’ rebħa minn daqstant partiti għal Liverpool b’mod li baqgħu l-uniku tim mhux megħlub fil-kompetizzjoni.
Fl-34 minuta kien MOHAMED SALAH li minn azzjoni ta’ Curtis Jones għeleb lil Lucas Chevalier biex poġġa lil Liverpool fil-vantaġġ. Fid-59 minuta tkeċċa għal Lille Alissa Mandi fuq ammonizzjoni doppja. Minkejja dan tliet minuti wara JONATHAN DAVID għeleb lil Alisson għal 1 – 1. Il-gowl tar-rebħa għal Liverpool skorjat fis-67 minuta minn HARVEY ELLIOTT.
Stadio Renato Dall’Ara: Bologna 2 Borussia Dortmund 1
Fil-15-il minuta kien hemm foul ta’ Emil Holm fuq Waldemar Anton. Borussia ngħataw penalty, b’SERHOU GUIRASSY jegħleb lil Lukasz Skorupski għall-uniku gowl fl-ewwel taqsima.
B’Bologna aktar fil-partita fil-71 minuta kisbu l-gowl tad-draw permezz ta’ THIJS DALLINGA li minn azzjoni ta’ Jens Odgaard għeleb lil Gregor Kobel. Minuta wara kien SAMUEL ILING JUNIOR li mill-ġdid għeleb lil Kovel għall ewwel rebħa ta’ Bologna fil-kompetizzjoni.
