Iċ-champion attwali tal-Open tal-Awstralja Jannik Sinner għeleb lil Alex de Minaur 6-3 6-3 6-1 biex għamilha għas-semi finali tal-Open tal-Awstralja. Sinner jidher li kien ma jiflaħx iżda deher fiżikament f’saħħtu hekk kif għeleb lis-seed numru tmienja De Minaur. Jumejn wara li kien ma jiflaħx qabel il-logħba kontra Holger Rune tad-Danimarka, Sinner stqarr li matul il-jum tal-Erbgħa ħassu preparat li jikkompeti u f’kundizzjoni ta’ saħħa tajba.
lFilwaqt li fil-media kien hemm spekulazzjoni li seta’ kellu pneumonia, Sinner ċaħad din ir-retorika u qal li t-testijiet li sarulu kienu pożittivi. Is-seed numru wieħed Sinner, issa se jiltaqa’ kontra l-Amerikan Ben Shelton fis-semi finali tal-Ġimgħa. Shelton, li għandu 22 sena, wasal sas-semi finali wara li għeleb lit-Taljan Lorenzo Sonego 6-4 7-5 4-6 7-6.
