Kanzunetta oriġinali bi kliem ta’ Peppi Azzopardi u mużika ta’ Philip Vella tiddeskrivi dak li jgħaddu priġunieri u l-qraba tagħhom.
Il-kanzunetta għandha messaġġ qawwi dwar il-mistħija li jħossu dawk li jammettu li żbaljaw u li qed iħallsu ta’ għemilhom fil-ħabs. Iżda titfa’ dawl fuq kemm is-soċjetà għandha tkun sesittiva għal dak li għaddejjin minnu.
Il-kliem ta’ Peppi Azzopardi jenfasizzaw li l-ħabs mhux lukanda, kif ġieli tisma’ xi nies jikkummentaw, għax kieku kien hekk, ħafna jibbukkjaw weekend break.
