Suċċess ieħor għal plejer żagħżugħ Thomas Sammut li rebaħ il-ħames ranking tournament organizzat mill-Malta Darts Association, fil-Birgu Darts Club.
Thomas Sammut kompla fuq is-suċċess miksub fir-raba’ ranking tournament fil-11 ta’ Jannar fi Dukes Darts Cub.
Fil-ħames ranking tournament, Sammut temm fl-ewwel post b’total ta’ 71.70 segwit minn Kyle Satariano b’60.02, filwaqt li fit-tielet post temm Gordie Zammit b’46.22.
Fil-klassifika ġenerali wara li saru ħames ranking tournaments, Thomas Sammut saħħaħ postu bi 38 punt kontra l-24 punt ta’ Kyle Satariano u 17 il-punt ta’ Gordie Zammit.
