Fi stqarrija, PEN Malta qalet li temmen li d-deċiżjoni tal-Qorti li tagħti l-libertà proviżorja lil Yorgen Fenech ħames snin wara li ġie akkużat b’rabta mal-qtil ta’ Daphne Caruana Galizia tirrifletti d-dewmien kroniku u inġust fis-sistema ġudizzjarja tagħna.
Din ukoll tikxef in-nuqqas tal-gvern li jindirizza din il-problema. Fenech jingħaqad ma’ lista twila ta’ suspettati li ngħataw il-ħelsien mill-ħabs, mingħajr ma ġiet stabbilita data għall-ġuri tiegħu, minkejja l-uġigħ insapportabbli li dan jimponi fuq il-familja u l-ħbieb tal-vittma.
Huwa ċar għal kulħadd li s-sistema ġudizzjarja tagħna hija mkisra, anke meta titratta l-aktar każ prominenti ta’ dawn l-aħħar snin.
