Tliet ġuvintur ta’ bejn l-20 u t-22 sena tressqu l-Qorti b’rabta ma’ suspett ta’ pussess ta’ droga wara li ġew arrestati waqt roadblock fil-Marsa. Il-Pulizija skoprew li fil-vettura tagħhom kellhom 28 qartas ta’ sustanza supettata kokaina.
L-investigazzjoni bdiet fl-21 ta’ Jannar, meta l-Pulizija osservaw sewwieq li għamel moviment suspettuż u deher jarmi xi ħaġa mill-karozza. Wara l-ispezzjoni, ġew identifikati aktar qratas ta’ sustanza suspettata kokaina fil-vettura tiegħu.
Il-persuni involuti, Ferdisan Azzopardi ta’ 20 sena mill-Belt Valletta, Shamison Mamo ta’ 22 sena minn Pembroke, u Russell Ghiller ta’ 21 sena mill-Isla, wieġbu mhux ħatja għall-akkużi miġjuba kontrihom.
Il-Qorti ordnat li l-akkużati jingħataw ħelsien mill-arrest fuq ċerti kundizzjonijiet, fosthom li jiffirmaw regolarment fl-għassa tal-pulizija.
