Danilo de Dominicis huwa s-sewwieq tal-mutur li tilef ħajtu traġikament f’inċident tat-traffiku l-Ħamis filgħaxija.
L-inċident kien seħħ fit-23 ta’ Jannar, għall-ħabta tat-8.15pm, fi Triq Mikiel Anton Vassalli l-Imsida.
It-Taljan ta’ 36 sena, residenti Birkirkara, kien qed isuq mutur Honda meta tilef il-kontroll u ħabat ma’ ħajt. Huwa ttieħed l-Isptar Mater Dei għal aktar kura madanakollu, sfortunatament, tilef il-battallja mal-mewt aktar tard.
Fuq l-midja soċjali kienu bosta dawk li esprimew it-telfa ta’ Danilo fosthom is-supporters club ta’ Inter “Peppino Prisco” minn Santa Maria Capua Vetere.
