Il-leaders tal-kampjonat nazzjonali tal-Blackball, Ħamrun 147 A, kisbu rebħa tajba ta’ 11-6 fil-konfront dirett kontra Cospicua Rangers A fl-iktar logħba mistennija tal-ġimgħa. It-tim minn Bormla patta għal dan ir-riżultat wara skor pożittiv ta’ 11-2 kontra Ħamrun 147 C.
Fit-tielet post hemm Jojo’s Birżebbuġa wara li matul il-ġimgħa spiċċaw fi draw ta’ 10-10 kontra San Ġwann Boċċi.
F’logħba oħra, Ħamrun 147 B għelbu lil Domus Kids Zejtun 11-8.
Fil-kampjonat reġjonali, Qormi Anici Boys baqgħu fl-ewwel post tal-klassifika b’punti massimi wara riżultat pożittiv ta’ 11-7 kontra Cospicua Rangers B. Anke San Ġwann Tiki Taka B irreġistraw skor identiku kontra Birkirkara Boċċi.
Mill-banda l-oħra, Qormi Pinto u San Ġwann Tiki Taka A kisbu tliet punti għas-spejjeż ta’ Qormi Anici Lions (11-5) u Qormi Anici Stars (11-7).
F’sezzjoni A tal-Community League, il-leaders PL Balzan sfaw miżmuma fi draw ta’ 10-10 minn Zebbuġ St Joseph. Attard Scorpions u Selmun Sports Club B kisbu rebħiet identiċi ta’ 11-8 kontra San Ġwann Tiki Taka C u Qormi Anici Capadocia.
Finalment, f’sezzjoni B tal-Community League, il-leaders Qormi Anici Calleja Ltd spiċċaw fi draw ta’ 10-10. Qormi San Bastjan Boċċi għelbu lil Selmun Sports Club 11-5 filwaqt li San Ġwann Tiki Taka D iddominaw lil Gżira Titans u kisbu skor ta’ 11-1.
KLASSIFIKA – KAMPJONAT NAZZJONALI
Ħamrun 147 A 16; Cospicua Rangers 15; Jojo’s Birżebbuġa 11; Ħamrun 147 B; Selmun Sports Club A 9; Ħamrun 147 C 6; San Ġwann Boċċi 4; Domus Kids Zejtun 0.
KLASSIFIKA – KAMPJONAT REĠJONALI
Qormi Anici Boys 18; Qormi Pinto 16; San Ġwann Tiki Taka A 13; Cospicua Rangers B, San Ġwann Tiki Taka, Birkirkara Boċċi 9l Qormi Anici Lions, Qormi Anici Stars 3l Birkirkara Juve 0.
KLASSIFIKA – COMMUNITY LEAGUE – Sezzjoni A
PL Balzan 13; San Ġwann Tiki Taka C, Qormi Anici Cappadocia 9; Selmun Sports Club B 6; Zebbuġ St Joseph 5; PL Floriana, Attard Scorpions 4.
KLASSIFIKA – COMMUNITY LEAGUE – Sezzjoni B
Qormi Anici Calleja Ltd 13; Valletta Fossa Boys 10; San Ġwann Tiki Taka D 9; Gzira Titans, Qormi San Bastjan Boċċi 4; Selmun Sports Club C 3; Mrieħel Billard House 0.
