Il-midja Taljana qed tirrapporta l-każ ta’ tfajla li weġġgħet gravi f’Paceville wara li waqgħet għoli ta’ madwar erba’ sulari minn gallarija ta’ lukanda.
Din it-tfajla, li għandha 18-il sena, ġiet identifikata bħala Claudia Chessa. Qed jingħad li l-inċident seħħ wara li hi kellha argument mal-għarus tagħha waqt li huma kienu f’vaganza f’pajjiżna.
Il-każ seħħ f’Paceville l-ġimgħa li għaddiet, u l-Pulizija qed iqisuh bħala każ ta’ vjolenza domestika.
Skont dak li qed jingħad, Chessa waqgħet mill-gallarija tal-lukanda u b’miraklu spiċċat fuq tinda – biex b’hekk ġie evitat impatt li seta’ kellu konsegwenzi ferm aktar gravi.
Kelliem għall-Korp tal-Pulizija kkonferma ma’ Net News li r-raġel implikat f’dan il-każ tressaq il-Qorti fl-aħħar jiem.
