Badminton Malta organizzat il-Kampjonati Nazzjonali Assikura tad-Doubles mifruxa fuq tliet diviżjonijiet.
Fil-Kampjonat tal-Ewwel Diviżjoni, kien hemm is-suċċess għal Samuel Calì u Nigel Degaetano li b’erba’ rebħiet minn ħames partiti temmew fl-ewwel post b’9 punti kontra t-tmien punti ta’ Sam Cassar u Justin Joy Thekkinedeath. Fit-tielet post spiccaw Stephen Ferrante u Aldo Polidano b’sitt punti.
Fil-Kampjonat tat-Tieni Diviżjoni fl-ewwel post b’7 punti Suzie May Gafà Craus u Monique Monika Vella bl-istess ammont ta’ punti daqs Jade Fenech u Julia Galea bid-differenza li l-ammont totali ta’ punti fil-partiti kien 167 għal Craus u Vella, kontra l-162 li akkumulaw Fenech u Galea. Fit-tielet post temmew Dayle Bugelli u Jacob Busuttil .
Fil-Kampjonat tat-Tielet Diviżjoni Matias Casaru u Luca Mascena temmew fl-ewwel post b’7 punti kontra l-ħames punti ta’ Jade Bartoli u Dejan Pirrone li kellhom total ta’ punti aħjar minn Gianluca Ellul u Abigail Mizzi.
