Mis-Sibt, se jkun qed jiżdied il-prezz tal-prodotti tal-ħalib lokali.
Il-kumpanija MDP ikkonfermat li ż-żidiet se jidħlu fis-seħħ mill-1 ta’ Frar, iżda ma tatx dettalji dwar kemm huma dawn iż-żidiet.
Ma’ Net News, il-kumpanija insistiet li l-prezzijiet se jiżdiedu biex tinżamm il-kwalità ta’ dan il-prodott lokali.
Malta Dairy Products Ltd b’mod proattiv ikkomunikat dawn l-aġġustamenti fil-prezz lill-klijenti diretti tagħna (ħwienet u distributuri) fuq l-aħħar jiem. Dan jinkludi aġġornamenti dwar l-ipprezzar għal ċerti prodotti, bħall-ħalib.
